​Ushtarë të KFOR-it pozicionohen në drejtim të kufijve veriorë

Aktuale

​Ushtarë të KFOR-it pozicionohen në drejtim të kufijve veriorë

Më: 17 gusht 2022 Në ora: 16:06
Ilustrim

Pjesëtarët e KFOR-it janë vendosur nëpër lokacione të ndryshme përgjatë rrugëve që çojnë në drejtim të pikave kufitare Jarinje dhe Bërnjak, të cilat lidhin Kosovën me Serbinë nga veriu i vendit.

Disa qytetarë të cilët kanë dërguar foto në media, kanë thënë se kanë parë ushtarë të KFOR-it të pozicionuar me automjetet e tyre te fshati Rudare afër Zveçanit.

Pastaj përtej Leposaviqit, si dhe rrugës së liqenit të Ujmanit në fshatin Zupc dhe në drejtim të Bërnjakut.

Mësohet po ashtu se prezenca e shtuar e KFOR-it në këto zona ka të bëjë me përgjigje të shpejtë dhe reagim të menjëhershëm në rast nevoje, sa i përket ruajtjes së sigurisë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat