Rrahman Jasharaj rreth grevës: Zgjidhje ka…Nuk po kërkojmë miliarda

Aktuale

Rrahman Jasharaj rreth grevës: Zgjidhje ka…Nuk po kërkojmë miliarda

Më: 20 shtator 2022 Në ora: 11:34
Rrahman Jasharaj

Kryetari i SBASHK-ut, Rrahman Jasharaj, thotë se nuk ndihet fajtor për vazhdimin e grevës pasi, siç shprehet, ai është “zë i mësimdhënëseve”.

Fajtore për mbylljen e shkollave, sipas Jasharajt, është Qeveria e Kosovës, sepse “nuk reflekton karshi kërkesave të sindikalistëve”.

Deri në reflektimin e Qeverisë, thotë ai, nuk ka ndonjë datë të mundshme për fillimin e mësimit.

“Zgjidhje ka… Ne nuk po kërkojmë miliarda”, thotë Jasharaj.

Zyra e Kryeministrit të Kosovës dhe Ministria e Arsimit, Shkencës, Teknologjisë dhe Inovacionit nuk u janë përgjigjur pyetjeve të Radios Evropa e Lirë se a kanë buxhet për t’i plotësuar kërkesat e mësimdhënëseve dhe a kanë të drejtë t’i urdhërojnë mësimdhënësit të fillojnë procesin mësimor.

comment Për komente lëvizni më poshtë
Sot mund të lexoni Shfletoni kopertinat