Bajqinovci: Mediat në Beograd kanë shpifur se unë po kërkoj luftë

Aktuale

Bajqinovci: Mediat në Beograd kanë shpifur se unë po kërkoj luftë

Nga: N. Sh. Më: 26 shtator 2022 Në ora: 08:59
Mefail Bajqinovci dhe Albin Kurti

Deputeti i VV-së, Mefail Bajqinovci thotë se mediat e Beogradit kanë shpifur kundër tij.

Ai ka postuar një fotografi të mediave serbe në Facebook ku kanë shkruar kinse ai po ndjell luftë.

Bajqinovci shkruan se Serbia e do Kosovën e përçarë, por nuk është e dobët.

Postimi i plotë:

Mediat e Beogradit paskan shpifur se unë po kërkoj luftë. Ja se çfarë paskan shkruar:

“E NDJELL LUFTEN Bashkëpunëtori i Kurtit: Kosova është e gatshme, jemi të armatosur!

Deputeti i Levizjes të cilën e drejton kryeministri kosovar hapur ka kanosur me konflikt. Ky është vetëm njeri nga vargu i provokimeve të fundit që vijnë nga Prishtina”.

Serbia na do të dobët dhe të përçarë por nuk jemi të dobët. Prandaj në raport me ta duhet të jemi të bashkuar e ashtu jemi më të fuqishëm.

Është Serbia ajo e cila po provokon, mirëpo ne as nuk biem pre e tyre e as nuk kemi pse t’i frikësohemi asaj!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat