Përfaqësuesi i SBASHK-ut tregon se kur do të merret vendimi për grevën

Aktuale

Përfaqësuesi i SBASHK-ut tregon se kur do të merret vendimi për grevën

Më: 29 shtator 2022 Në ora: 18:22
Rrahman Jasharaj

Përfaqësuesi i SBASHK-ut, Reshit Kukaj, ka thënë se pasi anëtarësia të marrë opinionet e mësimdhënësve nëpër komuna do të dalin me vendim.

Kukaj tha se edhe nesër në komunat e mëdha do të ketë konsultime me mësimdhënësit dhe mund të dalin me vendim gjatë vikendit.

“Ne kemi dërguar shkresë në anëtarësinë sindikale për të dhënë mendimin e tyre se a janë për vazhdimin apo ndërprerjen e grevës. Ne jemi në pritje të përgjigjes të cilat i kanë ata dhe ashtu do të veprojmë edhe ne si këshill grevist. Anëtarësia ka kërkuar kohë që të ndodhë takimi me mësimdhënësit, për komunat e mëdha do të vlejë edhe dita e nesërme dhe ne do të vendosim gjatë vikendit”, tha ai.

Tutje, Kukaj u shpreh se pas analizave të bëra kanë vendosur që të shqyrtojnë ndërprerjen e grevës.

“Ne me këtë grevë kemi menduar se do të arrihet diçka më shumë por duke e parë që qeveria s’po lëvizë dhe pas analizave kemi propozuar këto veprime”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat