Haxhiu: Nesër të hudhet në votim për bashkimin e Shqipërisë dhe Kosovës në Konfederatën e Shtetit Shqiptar

Aktuale

Haxhiu: Nesër të hudhet në votim për bashkimin e Shqipërisë dhe Kosovës në Konfederatën e Shtetit Shqiptar

Më: 26 nëntor 2022 Në ora: 18:20
Deputeti i PDK’së, Bekim Haxhiu

Deputeti i PDK’së, Bekim Haxhiu thotë se nesër në mbledhjen e përbashkët të deputetëve të Kuvendit të Shqipërisë dhe Kosovë duhet të korigjohet padrejtësia historike.

Përmes një shkrimi në Facebook, Haxhiu tha se nesër duhet të votohet për bashkimin e Shqipërisë dhe Kosovës në Konfederatën e Shtetit Shqiptar.

“Pasi që Kosova ka shënuar 14 vite shtet sovran dhe i pavarur, është koha që në këtë 110 vjetor të Pavarsisë së Shqiperisë, NE të zgjedhurit e popullit të Kosovës dhe Shqipërisë te votojmë: Për bashkim në Konfederatën e Shteteve Shqiptare, të Shqipërisë dhe Kosovës.

Të bashkohemi në një Shtet, me një Qeveri, me një Senat, me dy kongrese Kosovë e Shqipëri. Jemi të zgjedhurit e popullit të Kosovës dhe Shqipërisë, është koha për vendime të rëndësishme për kombin tonë për të ruajtur identitetin shqiptar dhe për të qenë aty ku e kemi vendin bashkë në Bashkimin Europian”.

Sipas tij, ky është amaneti i dëshmorëve të kombit shqiptar që kanë rënë për lirinë, me idealin e bashkimit kombëtar.

“Si përfaqësues i popullit, deputet i zgjedhur në Kuvendin e Kosovës, kërkoj nga kryetarja e Kuvendit të Shqipërisë, Lindita Nikollai dhe kryetari i Kuvendit të Kosovës, Glauk Konjufca që në takimin e nesërm në mbledhjen e deputetëve të Shqipërisë dhe Kosovës në Tiranë të hudhet në votim: Për bashkimin e Shqipërisë dhe Kosovës në Konfederatën e Shtetit Shqiptar.
Kjo është rruga e drejt, ky është amaneti i dëshmorëve të kombit shqiptar ndër shekuj me radhë që kanë rënë në altarin e lirisë, me idealin e bashkimit kombëtar”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat