Reagon kryeministri Kurti për vrasjen e gruas në QKUK: E papranueshme dhe e padurueshme!

Aktuale

Reagon kryeministri Kurti për vrasjen e gruas në QKUK: E papranueshme dhe e padurueshme!

Nga: M.H. Më: 30 nëntor 2022 Në ora: 20:06
Kryeministri, Albin Kurti

Vrasja e gruas në QKUK ka tronditur gjith vendin.

E në lidhje me këtë ka reaguar edhe kryeministri Kurti.

Ai përmes një postimi në Facebook e quajti vrasje mizore duke u shprehur që është e papranueshme një vrasje e tillë, përcjell “Bota sot”.

“Dy engjëj në qiellin e pistë”, shkroi ndër të tjera kryeministri.

Postimi i plotë

Dy engjëj në qiellin e pistë

Vrasje mizore. U vra edhe një grua. Edhe kjo nga burri i saj. Në oborr të spitalit. Atje ku duhet të shërohen njerëzit. Në oborr të Klinikës Gjinekologjike. Atje ku lindin gratë. U shua një jetë që po sillte edhe një jetë tjetër. Gruaja ishte shtatzënë. Rreth 35 vjeç, as në gjysmë të jetës së saj. E fëmija që ajo donte ta lindte as nuk e filloi jetën. Vrasës mizor. Edhe një burrë që qëllon mbi gruan që duhej ta mbronte. Edhe një burrë që vret një grua. E cila tash është e jona, e të gjithë neve. Bashkë me foshnjen e palindur të saj. Dy qytetarë të Kosovës më pak, dy shqiptarë më pak, do të jenë duke menduar armiqtë tanë. E papranueshme dhe e padurueshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat