Motra e 35-vjeçares së vrarë: Ajo sot po han dhe e vrasësi nuk po gjendet askund

Aktuale

Motra e 35-vjeçares së vrarë: Ajo sot po han dhe e vrasësi nuk po gjendet askund

Më: 1 dhjetor 2022 Në ora: 22:16
Shukrije Magashi

Shukrije Magashi, motra e 35-vjeçarës së vrarë, ka thënë se e ndjera ka pasur probleme që nga dita e parë që është martuar me bashkëshortin e saj, tashmë të dyshuarin për vrasjen e kësaj të fundit.

Magashi në një prononcim tha se i dyshuari i ka thënë motrës së saj tashmë të ndjerës se foshnjën do ta marrë dhe prapë do të të bëjë probleme.

“Motra jem ka pas probleme qysh prej ditës së parë qe e ka marrë, nonstop ka pas probleme deri ka vendosur të ndahet prej tij. Vazhdimisht i ka thënë edhe nëse e marrë beben, prapë do të bëjë probleme, ose ty ose motrën e vogël. Gjithmonë i ka thënë motrës, do të rrezikoj edhe ty edhe familjen. Unë vet ndihem e frikësuar prej tij. Unë jam motra e vogël e Hamides, nuk jam munduar të ia prish jetën askund. Lus drejtësinë që të zbardhet rasti. Këtë punë ia lë vetëm drejtësi”, tha ajo.

Ajo tha se lajmin për vrasjen e motrës së saj e ka kuptuar përmes rrjetit social Facebook.

“Me motrën kam biseduar mbrëmë rreth orës 5, më tha motër mirë jam e dëgjohemi më vonë. Lajmin e kam marrë vesh prej Facebook, që ka ndodh ky rast. Me të parë lajmin e kam ditë që është motra ime dhe e kam dit që këtë e ka bërë bashkëshorti i vet, Sokol Halili. Ndihmë ka kërkuar vetëm prej meje, për çdo hall apo keqkuptim që e ka pas e ka kryer me mu”, shtoi motra e të ndjerës.

Shukrije Magashi, motra e 35-vjeçares së vrarë theksoi se e ndjera përveç që ka pasur probleme me ish-burrin e saj, ajo kishte edhe me vjehërri.

“Momenti që ka ardhur, e ka sjell vetëm 5 minuta me nënën e tij gjithmonë, ka qenë e kërcënuar nga ish-bashkëshorti, e ka lënë pa hëngër dhe pa pi, pa veshje. Ka pasur probleme me burrë, me vjehërri. Motra ime është ankuar çdo herë, ka pasur trupin krejt shenja. Ka vendos se ai i ka thënë nëse nuk ma jep fëmijën do të vras. Rasti ka qenë me 6 korrik kur ka vendos motra me u nda prej tij, e kam pyetur motrën çfarë ki në fytyre. Ajo sot po han dhe, e ky nuk po gjendet askund”, përfundoi ajo. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat