Takimi me ish-krerët e UÇK-së në Hagë, Ragmi Mustafa: Një ndër vizitat më emocionale të jetës time

Aktuale

Takimi me ish-krerët e UÇK-së në Hagë, Ragmi Mustafa: Një ndër vizitat më emocionale të jetës time

Më: 3 dhjetor 2022 Në ora: 17:21
Ragmi Mustafa

Kryetari i Partisë Demokratike Shqiptare në Luginën e Preshevës, Ragmi Mustafa, sot ka udhëtuar për në Hagë.

Mustafa ka takuar ish-krerët e Ushtrisë Çlirimtare të Kosovës që gjenden në paraburgim atje, teksa këtë vizitë e cilëson si më emocionalen në jetën e tij.

Nëpërmjet një postimi në rrjetin social Facebook, Mustafa thotë se të gjithë ish-krerët e UÇK-së ishin mirë me shëndet.

“Sot, në Hagë, pata një ndër vizitat më emocionale të jetës time. Takova Hashim Thaçin. Aty takova të gjithë ushtarët e lirisë, të gjithë ishin mirë! Me besimin e pa thyer që shumë shpejt do të jenë pranë nesh, të lirë siç u takon, u çmallëm e folëm gjerë e gjatë. Lufta e UÇK-së ka qenë e drejtë, e pastër dhe historia e saj nuk mund të rishkruhet nga askush!”, ka shkruar Mustafa në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat