KE e pranon gabimin për vizat, Vela thotë se meritat i ka Osmani

Aktuale

KE e pranon gabimin për vizat, Vela thotë se meritat i ka Osmani

Më: 6 dhjetor 2022 Në ora: 13:59
Blerim Vela dhe Vjosa Osmani

Komisioni Evropian pranoi se në raportin vjetor të monitorimit për shtetet që kanë liberalizim të vizave, të publikuar më 5 dhjetor, gabimisht ka vendosur një pasues ku Maqedonisë së Veriut dhe Malit të Zi i kërkohej që t’i vendosnin regjimin e vizave Kosovës.

Pas këtij lajmi, ka reaguar Blerim Vela, shef i kabinetit të presidentes, i cili ka pretenduar se meritat për këtë gjë i ka Vjosa Osmani, e cila ka biseduar me  presidenten e KE-së, Ursula von Der Leyen, në samitin e BE-së që po mbahet në Tiranë.

“Pas bisedës se sotme te Presidentes Vjosa Osmani me Presidenten e Komisionit Evropian Ursula von Der Leyen gjate samitit BE-Ballkani Perëndimor ne Tirane”, ka shkruar Vela.

Komisioni Evropian,  tha se nuk ka asnjë ndryshim në qëndrimet e saj dhe mbështet fuqishëm liberalizimin e vizave për qytetarët e Kosovës dhe kërkon që regjimi i vizave në Zonën Shchengen të hiqet pa vonesa për kosovarët, raporton REL.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat