A vlejnë zgjedhjet nëse s’marrin pjesë serbët, flet ish-kreu i KQZ-së

Aktuale

A vlejnë zgjedhjet nëse s’marrin pjesë serbët, flet ish-kreu i KQZ-së

Më: 6 dhjetor 2022 Në ora: 17:45
Foto ilustrim

Ish-kreu i KQZ-së, Mazllum Baraliu, në një intervistë për FRONTAL ka folur për zgjedhjet lokale që planifikohen të mbahen në veri të Republikës së Kosovës.

Baraliu ka thënë se me ligje të Kosovës nuk përcaktohet ndonjë përqindje si kusht që zgjedhjet të jenë legjitime.Ai ka thënë se kandidati që merr një votë më shumë, fiton të drejtën për të udhëhequr me Komunën.

“Legjitimiteti dhe legaliteti ekzistojnë. Ne nuk kemi ndonjë përqindje të caktuar. Ai që fiton qoftë edhe një votë më tepër ai fiton legalitetin për të qenë në një organ përkatës të komunës”, ka thënë ai.

I pyetur për refuzimin e serbëve për të marrë pjesë në zgjedhjet lokale dhe nëse ka ndonjë kusht për përqindjen e daljes në zgjedhje, Baraliu ka thënë se një gjë e tillë s’ekziston dhe se pavarësisht përqindjes zgjedhjet fitojnë ligjshmëri.

“Jo nuk kemi ne një kusht të tillë. S’kemi pasur asnjëherë një përqindje të dëshirueshme. Por zgjedhjet kanë fituar legalitet”, ka thënë ai.

commentFirst article
Sot mund të lexoni Shfletoni kopertinat