Raportimet për vdekjen e Artan Zymberajt, MPJD tregon a ka kontaktuar Beogradin

Aktuale

Raportimet për vdekjen e Artan Zymberajt, MPJD tregon a ka kontaktuar Beogradin

Më: 6 dhjetor 2022 Në ora: 20:32
Artan Zymberaj

Ministria e Punëve të Jashtme ka treguar se kanë tentuar të kontaktojnë me autoritetet serbe pas raportimeve për vdekjen e Artan Zymberajt në burgun e Serbisë.

MPJD në një përgjigje kanë thënë se nga Zyra Ndërlidhëse e Serbisë në Kosovës iu është komunikuar se nuk kanë arritur të marrin ndonjë informatë që mund ta konfirmojnë rastin.

“Me të marrë njoftimin për rastin e Artan Zymberajt, të premten në mëngjes, më 2 dhjetor 2022, Misioni i Posaçëm i Republikës së Kosovës në Beograd ka kontaktuar me autoritetet serbe, respektivisht me Zyrën Ndërlidhëse të Serbisë në Kosovë, për ta konfirmuar rastin. Nga Zyra Ndërlidhëse e Serbisë në Kosovë na është komunikuar se janë duke u përpjekur të marrin të dhënat e nevojshme nga autoritetet tjera serbe, por deri tani nuk na kanë ofruar ndonjë informatë me të cilën e konfirmojnë rastin. Po ashtu, mediat serbe nuk kanë raportuar për vdekjen e z. Artan Zymberaj”.

Tutje, në përgjigjen e tyre thuhet se Misioni i Posaçëm i Republikës së Kosovës në Beograd dhe ambasada e  Republikës së Kosovës në Norvegji janë në kontakt dhe në dispozicion të familjes Zymberaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat