Koci reagon pas skandalit të Ramës – përmend edhe politikanin nga Kosova: Si duket rusët janë në lojë!

Aktuale

Koci reagon pas skandalit të Ramës – përmend edhe politikanin nga Kosova: Si duket rusët janë në lojë!

Nga: A.M Më: 24 janar 2023 Në ora: 21:49
Avokati Arianit Koci

Avokati Arianit Koci ka reaguar pas përfshirjes së kryeministrit Edi Rama nëskandalin me ish zyrtarin e FBI-së, McGonigal, i cili u arrestua një ditë më parë për fshehje të marrjes së 225 mijë dollarë nga një ish agjenti i SHISH në Shqipëri.

Koci në një postimin e tij në Facebook u shpreh se “mëkati i vetëm i kryeministrit të Shqipërisë është polltronizmi ndaj çdo zyrtari amerikan”.

Sipas tij, kjo është sëmundje e çdo politikani ballkanik: takohen me secilin zyrtar amerikan, edhe pse nuk janë në nivelin e njejtë politik e funksional..

“Po përmendet edhe një poltikan i Kosovës. Ai është edhe më polltron se Rama.

Plus, i uritur. Natyrisht, për pare”, shkroi ndër të tjera Koci, përcjell “Bota sot”.

Postimi i plotë

1.

Edi Rama po i përmendet emri në aferën e ish-agjentit special të FBI, McGonigal.

Mëkati i vetëm i kryeministrit të Shqipërisë është polltronizmi ndaj çdo zyrtari amerikan.

Në fakt, kjo është sëmundje e çdo politikani ballkanik: takohen me secilin zyrtar amerikan, edhe pse nuk janë në nivelin e njejtë politik e funksional.

2

Çka ka një kryeministër i një shteti me u taku privatisht me një agjent të FBI?

I njejti ka logjikë me u taku me drejtorin apo zëvendësin e FBI.

Në fakt, gabime të njejta bëjnë edhe politikanët tanë. Nuk e mbajnë nivelin.

E kur ia lejon dikujt me t’u ulë në tavolinë, mundet edhe me ndodhë që mysafiri të është ulë për ndonjë interes.

Përndryshe, me pasë diçka dubioze, a po mendoni që prokuroret amerikan, ia kishin “falë dakikin” Edit a?

Në anën tjetër McGonigal, i cili po dyshohet se e ka ndihmuar oligarkun rus Oleg Deripaska që t’i shmaget sanksioneve amerikane, është liruar sot me kusht.

500 mijë dollarë është vlera e deponuar.

3.

I njejti, McGonigal, në një rast tjetër, (prap si duket rusët janë në lojë), dyshohet se i ka pranuar 225 mijë dollarë prej një ish agjenti të sigurimit të Shqipërisë.

Për çka? Për interesa financiarë.

4

Oleg Deripaska është person i afërt me Putinin, dhe ka investime në krejt Ballkanin; të njohura dhe të panjohura.

Madje, edhe në Kosovë, përmes bizneseve kosovare.

Nëse ju kujtohet, ky është biznesmeni i asaj video të njohur në të cilën shihet Putini duke i bërtitur si fëmijes; e poshtëron dhe e detyron t’a nënshkruaj një kontratë para punëtorëve të fabrikës.

P.s

Po përmendet edhe një poltikan i Kosovës. Ai është edhe më polltron se Rama.

Plus, i uritur. Natyrisht, për pare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat