Në 15-vjetorin e pavarësisë së Kosovës, gruaja e heroit Agim Ramadani, Shukrija, duke folur për të, e kujtoi edhe një fakt të lezetshëm nga raporti i tyre.
“Ai m’i bënte detyrat”, tha ajo duke qeshur, teksa tregonte për periudhën kur ata dy ishin në një klasë.
Shukrije Ramadani po ashtu u shpreh se është shumë krenare dhe se është një sfidë e vazhdueshme për të.
“Duhet ta mbash emrin e tij të papërlyer nga kërkesa të shumta që kemi, fatkeqësisht, partiake”, ka thënë ajo.
“Fal zotit, kam arritur të mbetem vetëm gruaja e Agimit, të mos i takoj asnjë partie. Kjo ka qenë edhe dëshirë e tij. Dua ta ruaj emrin e tij të pastër, e qëndrimin e tij”, përfundoi zonja Ramadani.
