Pas përfundimit të bisedimeve/ Deklarohen emisarët, Kurti dhe Vuçiq - detajet e fundit nga takimi në Ohër

Aktuale

Pas përfundimit të bisedimeve/ Deklarohen emisarët, Kurti dhe Vuçiq - detajet e fundit nga takimi në Ohër

Nga: Bota sot Më: 18 mars 2023 Në ora: 06:57 Përditësuar në ora: 13:49 më 18.03.2023
Kryeministri i Kosovës, Albin Kurti. Ohër, Maqedoni e Veriut, 18 mars 2023.

Nga dhoma e pritjes së gazetarëve

Dhjetëra gazetarë po përcjellin zhvillimet e sotme në Ohër.

Kujtojmë se në këtë qytet të Maqedonisë së Veriut zhvillohet sot një takim mes kryeministrit të Kosovës, Albin Kurti, dhe presidentit të Serbisë, Aleksandar Vuçiq.

Sfida e Asociacionit

Një nga pikat e propozimit evropian për normalizimin e marrëdhënieve Kosovë-Serbi kërkon nga palët që t’i zbatojnë të gjitha marrëveshjet e arritura në dialog, përfshirë edhe atë për formimin e Asociacionit të komunave me shumicë serbe në Kosovë.

Ky asociacion, i dakorduar qysh në vitin 2013, do t’i mundësonte komunitetit serb të menaxhojë çështje të tilla si: zhvillimi ekonomik, arsimi, shëndetësia dhe planifikimi urban dhe rural në zonat e tij.

Qeveria e Kosovës refuzon ta formojë, duke argumentuar se asociacionet njëetnike shkelin Kushtetutën e saj dhe kërcënojnë funksionalitetin e shtetit.

Qeveria e Serbisë, në anën tjetër, e sheh Asociacionin si mbrojtje të rëndësishme për serbët në Kosovë.

Dalin pamjet nga takimi me Borell dhe Lajçak, Kurti para vetes një numër të madh dokumentesh

Në faqen zyrtare të Komisionit Evropian janë publikuar edhe pamjet nga fillimi i takimit të kryeministrit të Republikës së Kosovës, Albin Kurti me përfaqësuesin e Lartë të BE-së, Josep Borell dhe emisarin sllovak Miroslav Lajcak.

Në këto pamje kryeministri i Kosovës, Albin Kurti shihet që ka me vete një numër të konsiderueshëm të dokumenteve me vete, sikurse edhe dy zyrtarët e lartë të BE-së.

Në këtë takim do të diskutohet për Aneksin e Implementimit, për të cilin edhe do të bëhen përpjekje që të arrihet një pajtim në mes të Kosovës dhe Serbisë.

Kryeministri Albin Kurti ka thënë se pa u arritur pajtim për Aneksin s’mund të ketë një dokument përfundimtar dhe rrjedhimisht s’mund të ketë as marrëveshje.

Ndërkohë emisari i SHBA-së për Ballkanin Perëndimor, Gabriel Escobar në një intervistë për REL sot ka thënë se s’janë të fokusuar te nënshkrimi por tek finalizimi i marrëveshjes.

​Përfundojnë takimet e veçanta në Ohër, pritet të nisë takimi trepalësh

Shefi i politikës së jashtme të Bashkimit Evropian, Josep Borrell, ka përfunduar takimet e veçanta me kryeministrin Albin Kurti si dhe me presidentin e Serbisë, Aleksandar Vuçiq, në Ohër të Maqedonisë së Veriut.

Në radhë është tashmë takimi trepalësh ndërmjet liderëve të Kosovës e Serbisë me përfaqësuesit e Bashkimit Evropian.

Bashkë me Borrell është edhe i deleguari i posaçëm i Bashkimit Evropian për dialogun, Miroslav Lajçak.

Shtetet më të rëndësishme perëndimore i kanë kërkuar të dy palëve që të arrijnë dakordësinë për planin evropian, madje për këtë kanë premtuar benefite politike e ekonomike për të dy palët.

Ndyshon agjenda, ja kur pritet të fillojë takimi Kurti-Vuçiq në Ohër

Në Ohër të Maqedonisë së Veriut kanë filluar takimet dypalëshe midis përfaqësuesve të Lartë të Bashkimit Evropian Josep Borrell e Miroslav Lajçak me presidentin e Serbisë, Aleksandër Vuçiq dhe tutje pritet të takohen edhe me kryeministrin e Kosovës, Albin Kurti.

Pas takimeve dypalëshe të BE-së më liderët e të dy vendeve, pritet të ndodh takimi tri palësh ku Kurti e Vuçiq do të diskutojnë mbi modalitetet e zbatimit të Propozimit Evropian.

Takimi trilateral pritet të fillojë rreth orës 12:45, një ndryshim agjende nga ajo që ishte paralajmëruar më parë nga Bashkimi Evropian.Finalizimi i Aneksit të Implementimit ka qenë kërkesë e hapur dhe e prerë edhe nga Shtetet e Bashkuara të Amerikës, përveç Bashkimit Evropian.

Kurti takohet me Borellin dhe Lajçakun

Kryeministri i Kosovës, Albin Kurti, ka nisur takimin me ndërmjetësuesit evropianë të dialogut Kosovë-Serbi, Josep Borell dhe emisarin Miroslav Lajcak.

Paraprakisht, shefi i politikës së jashtme të BE-së, Josep Borrell, dhe i dërguari i BE-së për dialogun Kosovë-Serbi, Mirosllav Lajçak, takuan presidentin e Serbisë, Aleksandar Vuçiq.

Pas këtyre takimeve do të zhvillohet takimi i përbashkët.

Kurti u takua edhe sot me Escobarin, e falendëroi SHBA-në për mbështetjen

Krahas takimit të djeshëm në Prishtinë, sot në Ohër, në prag të takimit të radhës të nivelit të lartë në kuadër të dialogut për normalizimin e marrëdhënieve Kosovë–Serbi, Kryeministri i Albin Kurti takoi emisarin e Shteteve të Bashkuara të Amerikës për Ballkanin Perëndimor, Gabriel Escobar, njofton Zyra e Kryeministrit.

Kryeministri Kurti ka realizuar disa takime mëngjesin e sotëm në Ohër, para se të hynte në takimet me ndërmjetësit evropianë, që pasojnë me takimin me Presidenten serb, Aleksandër Vuciq.

Escobari, që dje ishte në Prishtinë, gjendet në Ohër si “vëzhgues” i negociatave dhe është takuar edhe sot me Kryeministrin Kurti.

“Kryeministri Kurti e falënderoi z. Escobar për mbështetjen vazhdueshme të tij dhe të ShBA-së në procesin e dialogut, duke theksuar këtu përkushtimin dhe qasjen konstruktive të Qeverisë së Republikës së Kosovës në këtë fundjavë dhe për gjatë gjithë procesit”, thuhet në njoftim.

Ahmeti: S'mundet të ketë Serbi brenda Evropës pa i stabilizuar marrëdhëniet me Kosovën

Kryetari i Bashkimit Demokratik për Integrim (BDI) në Maqedoninë e Veriut, Ali Ahmeti deklaroi sot se Kosova në fund të procesit te dialogut me Serbinë duhet të shkojë drejt njohjes ndërkombëtare dhe pranimit në OKB dhe të gjitha institucionet e tjera ndërkombëtare.

Nga Ohri, ku po zhvillohet takimi ndërmjet kryeministrit Albin Kurti dhe presidentit serb, Aleksandër Vuçiq, lideri i shqiptarëve në Maqedoni të Veriut u shpreh optimist se sot mund të arrihet një marrëveshje mbi planin e Bashkimit Evropian për normalizimin e mardhënieve Kosovë-Serbi si dhe aneksin për zbatimin e tij.

Ahmeti: Kosova duhet të shkojë përpara drejt njohjes ndërkombëtare

"Si proces përfundimtar Kosova duhet të shkojë përpara drejt njohjes ndërkombëtare si shtet dhe avancimi i Kosovës dhe pranimi në gjitha insitucionet ndërkombëtare, në OKB dhe të vazhdojë anëtarësimin në Bashkimin Evropian dhe NATO", tha ai.

Ahmeti, i cili pati një takim me kryeministrin Kurti në Ohër tha se nuk ka biseduar në detaje më atë se ku janë ngecjet për udhërrëfyesin e zbatimit të ujdisë, mirëpo nënvizoi se ai i beson ShBA-së dhe BE-së.

Ahmeti: Asnjëherë s’jam zhgënyer në përkrahjen e ShBA-së, BE-së dhe NATO-s

"Tani unë nuk kam biseduar për detaje, por unë kam besuar dhe asnjëherë nuk jam zhgënyer në përkrahjen e ShBA-së, BE-së dhe NATO-s si tre mekanizma politik dhe paqebërës në rajon", tha ai.

Ai i bëri thirrje edhe Serbisë që të reflektojë pasi për tu anëtarësuar në BE, duhet t'i stabilizojë mardhëniet me Kosovën më gjitha fushat.

"Edhe Serbia duhet të reflektojë për anëtarësim në Bashkimin Evropian. S'mundet të ketë një Serbi brenda Evropës pa i stabilizuar marrdhëniet me të gjitha fushat me Kosovën", shtoi Ahmeti.

Ai foli edhe për kundërshtimet e opozitës në Kosovë për propozimin e BE-së.

Ahmeti: Opozita edhe historikisht ka shfaqur mendime më të ndryshme

"Opozita në vazhdimësi edhe historikisht ka shfaqur mendime më të ndryshme nga ajo, e cila është përcaktuar në një platformë si zgjidhje përfundimtare", përfundoi ai.

Kurti takon ndërmjetësuesit evropianë

Kryeministri i Kosovës, Albin Kurti, nisi takimin me ndërmjetësuesit evropianë të dialogut Kosovë-Serbi.

Paraprakisht, shefi i politikës së jashtme të BE-së, Josep Borrell, dhe i dërguari i BE-së për dialogun Kosovë-Serbi, Mirosllav Lajçak, takuan presidentin e Serbisë, Aleksandar Vuçiq.

Në fund do të pasojë takimi i përbashkët.

Borell dhe Lajçak takohen me Vuçiqin

 Presidenti i Serbisë ka takuar në Ohër shefin e diplomacisë evropiane, Josep Borell dhe të dërguarin special të BE-së për dialog, Miroslav Lajçak.

Takimi dypalësh po mbahet në vilën “Biljana”, ndërsa më pas Borell dhe Lajçak do të takohen edhe me kryeministrin e Republikës së Kosovës, Albin Kurtin.

Pas orës 12:15 pritet takimi trepalësh i Kurtit, Vuçiqit dhe përfaqësuesve evropianë.

comment Për komente lëvizni më poshtë
Sot mund të lexoni Shfletoni kopertinat