Deklarata e Hoxhë Mazllam Mazllamit dhe ndodhit e fundit që lidhen më të, janë një nga temat më të përfolura këto ditë.
E në lidhje me këtë ka reaguar avokati Arianit Koci.
Ai u shpreh se Hoxhën e mbron liria e shprehjes dhe mendimit, përcjell “Bota sot”.
Mirëpo avokati përmend problemin që dikush mund të frymëzohet nga hoxha, pasi ka përkrahës.
“AKI - ja dhe Policia e Kosovës duhet të fillojnë me analiza serioze se çka po ndodh te ne”, shtoi ndër të tjera Koci.
Postimi i plotë
1.
Hoxhën Mazllam Mazllami e mbron liria e shprehjes dhe mendimit.
Le të mendon çka të dojë.
Madje, une besoj që është më i mirë me u shprehë personat e tillë.
E kuptojmë me kë kemi punë.
2.
Problemin e kam diku tjetër.
Mazllami si prijës fetar ka përkrahës. Ka xhemat. E disa prej tyre, kryesisht analfabetët dhe primitivët, të frymëzuar prej tij, potencialisht mund t’a kalojnë kufirin e lirisë së shprehjes dhe mendimit.
Në atë rast, mund të ketë përgjegjësi edhe hoxha.
Si frymëzues.
3.
AKI - ja dhe Policia e Kosovës duhet të fillojnë me analiza serioze se çka po ndodh te ne.
Njëjtë si në kohën e shkuarjes në Siri, të disa të indoktrinuarve kosovarë nga agjenturat e huaja.
