Ish-kryenegociatorja e Kosovës për bisedime me Serbinë, Edita Tahiri, ka kritikuar kryeministrin Albin Kurti, i cili mbrëmë është pajtuar me Serbinë për deklaratën për të pagjeturit.
Ajo ka vlerësuar se përmes kësaj deklarata është bërë barazimi i agresorit e viktimën.
Në profilin e saj në “Facebook”, ajo ka shkruar se pavarësisht pranimit nga kryeministrit, kjo deklaratë është e papranueshme.
“Barazimi i agresorit me viktimen ne deklaraten per te pagjeturit i miratuar dje ne dialog ne Bruksel eshte i papranueshem pavaresisht se u pranua nga kryeministri i Kosoves”, ka shkruar Tahiri.
Përmbajtja e dekoratës
Në faqen zyrtare të Shërbimit të Jashtëm të Bashkimit Evropianështë publikuar deklarata e përbashkët e Kosovës dhe Serbisë për Personat e Zhdukur. Siç shihet nga ajo që është publikuar, deklarata i ka gjithsej nëntë pika, dhe fillimisht, është preambula.
Ne angazhohemi së bashku;
Për të siguruar zbatimin e plotë të angazhimeve përkatëse në fushën e Personave të Zhdukur,
-për të bashkëpunuar ngushtë për identifikimin e vendeve të varrimit dhe ndjekjen e gërmimeve,
-për të siguruar akses të plotë në informacione të besueshme dhe të sakta që ndihmojnë në gjetjen dhe identifikimin e personave të humbur të mbetur brenda periudhës kohore 1 janar 1998 - 31 dhjetor 2000. Kjo përfshin të gjitha materialet, shënimet, urdhrat, dokumentet, videot, regjistrimet audio dhe çdo dokument tjetër duke përfshirë ato me status të klasifikuar, nën zotërimin e institucioneve të të dyja palëve, të rëndësishme për këtë kontekst,
-të vëmë në dispozicion të gjithë dokumentacionin vendas dhe ndërkombëtar me rëndësi për përcaktimin e fatit të personave të zhdukur,
-për të përdorur të dhënat satelitore, LIDAR dhe teknologji të tjera të avancuara në zbulimin e varrezave masive,
- mundësimin dhe inkurajimin e angazhimit aktiv të familjeve të Personave të Zhdukur në procesin e identifikimit të fateve të tyre,
-për të siguruar në mënyrë adekuate të drejtat dhe nevojat adresuar familjeve të personave të zhdukur,
-krijimi dhe bashkëpunimi përmes një Komisioni të Përbashkët të kryesuar nga Bashkimi Evropian dhe të vëzhguar nga KNKK me synimin për të mbështetur përpjekjet për të zgjidhur fatin e personave të zhdukur,
-të monitorojë dhe mbështesë punën dhe progresin e bërë nga Grupi Punues për Personat e Zhdukur përmes Komisionit të Përbashkët. Në këtë kontekst, palët do të rishikojnë dhe përditësojnë Termat e Referencës dhe kuadrin e Përgjithshëm të Grupit të Punës.
