Lajçak shkruan për takimin me Krasniqin

Aktuale

Lajçak shkruan për takimin me Krasniqin

Më: 15 nëntor 2023 Në ora: 23:44
Pamje nga takimi

I pari i PDK-së, gjatë ditës së mërkurë, është takuar me emisarin special të BE-së për dialogun Kosovë – Serbi, Miroslav Lajcak.

Për këtë takim ka shkruar edhe Lajcak, i cili bëri të ditur se kanë diskutuar për situatën në Kosovë dhe rëndësinë e progresit në dialog.

“Pata një takim të dobishëm me udhëheqësin e PDK-së, Memli Krasniqi, sot në Bruksel. Folëm për situatën në Kosovë dhe rëndësinë e progresit në Dialog për rrugën e Kosovës”, ka shkruar Lajçak në X.

Krasniqi më herët njoftoi se në takim ka ka shprehur qëndrimin e tij dhe të PDK-së në lidhje me draftin e propozuar të statutit të Asociacionit, duke theksuar se duhet të jetë në përputhje me Kushtetutën dhe ligjet e Republikës së Kosovës dhe të mos krijohet një nivel i ri i pushtetit me kompetenca ekzekutive.

“Edhe një herë, emisarit Lajçak i ripërsërita qëndrimin tim dhe të PDK-së se statuti i Asociacionit duhet të jetë në pajtim me Kushtetutën dhe ligjet e Republikës së Kosovës, të mos krijojë një nivel të ri të pushtetit dhe të mos ketë kompetenca ekzekutive”, ka shkruar Krasniqi në Facebook.

comment Për komente lëvizni më poshtë
Sot mund të lexoni Shfletoni kopertinat