U.D. Kryeprokurori i Shtetit dhe Komandanti i Policisë Ushtarake të FSK-së diskutojnë për thëllimin e bashkëpunimit

Aktuale

U.D. Kryeprokurori i Shtetit dhe Komandanti i Policisë Ushtarake të FSK-së diskutojnë për thëllimin e bashkëpunimit

Më: 12 dhjetor 2023 Në ora: 14:44
Foto nga takimi

Ushtruesi i Detyrës së Kryeprokurorit të Shtetit, z. Besim Kelmendi, ka zhvilluar takim zyrtar me Komandantin e Policisë Ushtarake të Forcës së Sigurisë së Kosovës, Nënkolonel z. Besnik Selimi dhe Zyrtarën Ligjore nga Shtabi i Përgjithshëm znj. Albana Çeku.

U.D. Kryeprokurori Kelmendi dhe Komandanti Selimi patën diskutime përmbajtjesore lidhur me autorizimet dhe mandatin që Policia Ushtarake e ka të përcaktuar me ligj në hetimin e veprave penale.

Të cilat kryhen nga pjesëtarët e FSK-së, bashkëpunimin profesional dhe ligjor ndërmjet institucionit të Prokurorit të Shtetit dhe hetuesve të Policisë Ushtarake në fazat e procedurës penale, si dhe ofrimin e mbështetjes së ndërsjellë në çështjet që bien në kompetencë të institucioneve respektive.

U.D. Kryeprokurori i Shtetit dhe Komandanti i Policisë Ushtarake të FSK-së, diskutuan edhe për nevojën e mbajtjes së trajnimeve të përbashkëta dhe nënshkrimit të një memorandumi të bashkëpunimit në të ardhmen ndërmjet të dyja institucioneve.

comment Për komente lëvizni më poshtë
Sot mund të lexoni Shfletoni kopertinat