Enver Hasanit, babai ia vendosi emrin shkaku i respektit për Enver Hoxhën

Aktuale

Enver Hasanit, babai ia vendosi emrin shkaku i respektit për Enver Hoxhën

Më: 5 janar 2024 Në ora: 12:50
Enver Hasani

Ish-kryetari i Gjykatës Kushtetuese, profesori dhe veprimtari i njohur Enver Hasani ka qenë i ftuari i radhës në emisionin “Fakte me Adnan Merovcin” në Klan Kosova, ku ndër tjera foli edhe për disa figura kyçe të historisë e politikes në trojet shqiptare.

Në mesin e këtyre figurave, Hasani foli edhe për diktatorin komunist i cili drejtoi Shqipërinë për shumë vite, Enver Hoxha.

Madje, Hasani zbuloi se babai i tij ia vendosi këtë emër pikërisht për shkak të respektit të madh që kishte për diktatorin Hoxha.

“Në Shqipëri shpesh më kanë pyet, iu thosha që kur kam lindë unë i kam thanë babës mos ma ngjit, por s’më dëgjoi. Kur kam lind unë më 1962, shqiptarët kanë besu që personifikimi i Shqipërisë me Enver Hoxhën është zgjidhja e vetme dhe absolute. Shqiptarët e kanë pa në atë kohë si për krenari. Do të thotë, konteksti i përgjithshëm i emrit lidhet me diktatorin komunist shqiptar, Enver Hoxha për të cilin baba im ka pas jashtëzakonisht respekt deri më 1976”, tregoi Hasani.

comment Për komente lëvizni më poshtë
Sot mund të lexoni Shfletoni kopertinat