Qeveria në detyrë e Kosovës ka mbajtur sot mbledhje elektronike në të cilën ka miratuar tri raporte dhe ka aprovuar një udhëzim administrativ.
Në njoftim thuhet se është miratuar raporti vjetor financiar për buxhetin e Republikës së Kosovës për vitin 2024, dhe raporti i vlerësimit të përshtatshmërisë së sistemit të financimit të komunave për 2024.
Po ashtu, është aprovuar udhëzimi administrativ për ndryshim-plotësimin e udhëzimit administrativ për ambalazhin dhe mbeturinat e ambalazhit.
Njoftimi:
Qeveria e Republikës së Kosovës ka mbajtur sot mbledhje elektronike në të cilën ka:
– Miratuar Raportin Vjetor Financiar për Buxhetin e Republikës së Kosovës për vitin 2024.
– Miratuar Raportin e Vlerësimit të Përshtatshmërisë së Sistemit të Financimit të Komunave për vitin 2024.
– Aprovuar Udhëzimin Administrativ për ndryshimin dhe plotësimin e Udhëzimit Administrativ Nr. 07\2023 për Ambalazhin dhe Mbeturinat e Ambalazhit.