Protesta te ZRrE-ja, deklarohet policia: Aktiviteti nuk ishte paralajmëruar

Aktuale

Protesta te ZRrE-ja, deklarohet policia: Aktiviteti nuk ishte paralajmëruar

Më: 2 prill 2025 Në ora: 11:32
Policia

Disa prej anëtarëve të grupit “Asnji cent më shumë”, mëngjesin e sotëm e kanë zhvilluar një aksion te zyrat e Zyrës Rregullative për Energji.

Ky aksion u zhvillua si shfaqje e pakënaqësisë ndaj paralajmërimit për rritjen prej 15 për qind të tarifave të energjisë elektrike.

Lidhur me këtë aksion, u deklarua edhe policia.

Zëdhënësja për rajonin e Prishtinës Flora Ahmeti, tha se pjesëmarrësit në fjalë kanë zhvilluar një aktivitet të paparalajmëruar.

“Të njëjtit kanë shpërfillë urdhrat e zyrtarëve policor dhe kanë penguar disa zyrtarë të hyjnë në zyrat e tyre”, tha ajo.

“Duke u gjendur në rrethana të tilla, policia ka shoqëruar në stacionin policor 12 prej protestuesve dhe aktualisht të njëjtit janë duke u proceduar konform autorizimeve policore në koordinim me Prokurorin e shtetit”, theksoi Ahmeti

comment Për komente lëvizni më poshtë
Sot mund të lexoni Shfletoni kopertinat