Të gjithë liderët politikë konfirmojnë pjesëmarrjen në takimin me Osmanin

Aktuale

Të gjithë liderët politikë konfirmojnë pjesëmarrjen në takimin me Osmanin

Më: 13 maj 2025 Në ora: 21:13
Foto ilustrim

Të gjithë liderët e partive politike kanë konfirmuar pjesëmarrjen e tyre në takimin konsultativ të thirrur nga presidentja e vendit, Vjosa Osmani. Takimi pritet të mbahet të enjten më 15 maj.

Këshilltari për media i Osmanit, Bekim Kupina, bënë të ditur se të gjithë e kanë konfirmuar pjesëmarrjen në takimin e së enjtes me Presidenten Osmani

“Të gjithë e kanë konfirmuar pjesëmarrjen në takimin e së enjtes me Presidenten Osmani”, ka thënë Kupina.

Kupina, ka konfirmuar dje se nga 15 maji, Osmani do të fillojë konsultimet.

Kuvendi i Kosovës sot nuk arriti të konstituohet as në përpjekjen e pesëmbëdhjetë. Tentimi i radhës i Lëvizjes Vetëvendosje për të formuar Komisionin për votimin e fshehtë të kryeparlamentarit nuk mori përsëri mbështetjen e partive të tjera politike. Seanca u ndërpre dhe vazhdimi i saj do të bëhet më 15 maj në orën 10:30. Zgjedhjet parlamentare janë mbajtur më 9 shkurt 2025.

Vazhdimi i seancës konstituive do të mbahet më 15 maj me fillim prej orës 10:30.

comment Për komente lëvizni më poshtë
Sot mund të lexoni Shfletoni kopertinat