Lushtaku: Kurti do të bëjë gjithçka, vetëm të mbajë pushtetin

Aktuale

Lushtaku: Kurti do të bëjë gjithçka, vetëm të mbajë pushtetin

Më: 1 korrik 2025 Në ora: 11:27
Mërgim Lushtaku

Deputeti i Partisë Demokratike të Kosovës, Mërgim Lushtaku tha se kryeministri në detyrë, Albin Kurti me mungesën e tij sot në seancën e 40-të të konstituimit të Kuvendit, tregon që “bën gjithçka, shkel çdo ligj e kushtetutë vetëm që të mbaj në dorë ende pushtetin”.

Lushtaku tha se Kurti nuk është i interesuar për zgjidhjen e problemeve.

“Prej fillimit, sidomos edhe pas aktgjykimit të Gjykatës Kushtetuese kanë treguar jo seriozitet dhe jo zbatim të aktgjykimit për konstituimin e Kuvendit. Mungesa e tij si deputet në Kuvend por edhe si kryetar i LVV-së tregon që do të bëjë gjithçka, do të shkel çdo ligj, çdo kushtetutë vetëm e vetëm të mbajë pushtetin. Nuk është i interesuar fare për zgjedhjen e problemeve të qytetarëve, për konsituimin e Kuvendit”, tha Lushtaku.

Kryeministri në detyrë, Albin Kurti sot ndodhet në Shkup për të marrë pjesë në takimin e liderëve të Ballkanit Perëndimor, për Planin e Rritjes të Bashkimit Evropian. 

comment Për komente lëvizni më poshtë
Sot mund të lexoni Shfletoni kopertinat