Eksperti i sigurisë, Agim Musliu jep detaje të reja nga arrestimi i Jevtiq

Aktuale

Eksperti i sigurisë, Agim Musliu jep detaje të reja nga arrestimi i Jevtiq

Më: 17 korrik 2025 Në ora: 15:54
Eksperti i sigurisë, Agim Musliu

Eksperti i sigurisë, Agim Musliu është deklaruar rreth arrestimit të zyrtarit policor të Kosovës, Bojan Jevtiq.

Statusi i plotë:

Rasti Jevtiq si sukses i koordinimit mes AKI-së dhe institucioneve të tjera të sigurisë

Arrestimi i Bojan Jevtiqit, zyrtar i Policisë së Kosovës, nën dyshimet për spiunazh për llogari të BIA-s serbe, është një nga rastet më serioze por edhe më të suksesshme në fushën e kundërzbulimit. Hetimet disa mujore nga AKI, prokuroria speciale tregojnë përkushtim dhe koordinim për të goditur rrjete të fshehta me prani në institucionet tona të sigurisë.

Në posedim të Jevtiqit u gjetën edhe dokumente të Shoqatës Ndërkombëtare të Policisë (IPA), ku janë anëtare Serbia dhe Rusia, por jo Kosova. Kjo ngre dyshime për rrjete paralele komunikimi jashtë kanaleve zyrtare. Përfshirja e një zyrtari policor në këtë rast thekson nevojën për vigjilencë të shtuar institucionale ndaj rrjedhjes së informacioneve të ndjeshme.

comment Për komente lëvizni më poshtë
Sot mund të lexoni Shfletoni kopertinat