Osmani për zero tarifën ndaj produkteve amerikane: Kosova është partneri juaj i besueshëm

Aktuale

Osmani për zero tarifën ndaj produkteve amerikane: Kosova është partneri juaj i besueshëm

Më: 1 gusht 2025 Në ora: 12:55
Vjosa Osmani

Presidentja Vjosa Osmani ka thënë se nga sot hyn në fuqi vendimi i Kosovës për një tarifë ZERO për të gjitha mallrat amerikane.

Ajo përmes një shkrimi në llogarinë e saj në X theksoi se është krenare që Kosova është i vendi i parë që propozoi heqjen e saj.

“Jemi krenarë që kemi qenë vendi i parë që propozoi heqjen e të gjitha barrierave ndaj aleatit tonë më strategjik. Për presidentin amerikan dhe popullin amerikan: Kosova është partneri juaj i besueshëm në përpjekjet tuaja për ta bërë Amerikën dhe aleatët e saj më të fortë, më të sigurt dhe më të begatë”.

Qeveria në detyrë mori vendim sot që ta heqë tarifën prej 10 përqind për mallrat nga Amerika.

E para e shtetit njëherësh ka rikthyer edhe kërkesën e saj drejtuar ekzekutivit për ta pezulluar këtë tarifë.

“Sot, i kërkova zyrtarisht Qeverisë së Kosovës të pezullojë tarifat e importit për të gjitha produktet amerikane – një hap i rëndësishëm për të thelluar lidhjet ekonomike me aleatin tonë më të ngushtë”, theksohet mes tjerash në këtë kërkesë që ishte bërë më prill.

comment Për komente lëvizni më poshtë
Sot mund të lexoni Shfletoni kopertinat