Familja e veprimtarit Haki Imeri ka publikuar një reagim të ashpër në rrjetet sociale, ku kërkohet ndarja e politikës nga praktikat e vjetra dhe dënimi i krimit në institucionet e Kosovës.
Në postim thuhet se në Kosovë ende sundon një stil i vjetër politik, ku patriotizmi i rremë shitet si mall, ndërsa qytetarët shpesh bien pre e mashtrimeve.
“Dikush quhet ‘patriot’, dikush tjetër ‘tradhtar’, sipas kutit të atyre që e kanë ngjitur pushtetin me intriga. Ky stil i vjetër është helm për demokracinë. Qytetari i shekullit XXI nuk ka pse të mendojë me kokën e një komandanti-politikani të korruptuar, që pas luftës u bë milioner duke zhvatur shtetin. Ai duhet të mendojë me kokën e vet”, thuhet në reagim.
Familja Imeri ka theksuar se në Parlamentin e Kosovës nuk duhet të ketë vend për persona me duar të përgjakura, duke theksuar se prania e tyre e dëmton imazhin e vendit në sytë e Perëndimit.
“Derisa kriminelët të ulen aty, Perëndimi do të na shohë si një shoqëri të papastër, që ka nevojë për gjykata speciale të pafundme”, thuhet më tej.
Postimi i plotë:
Miq,
-Në Kosovë politika duhet të ndahet nga oda dhe ndeja.
- Aty ku pihet çaj rus, rakia e fshatit dhe shiten fjalë boshe patriotizmi, qytetari mashtrimet i ha si bukë.
-Dikush quhet “patriot”, dikush tjetër “tradhtar” – sipas kutit të atyre që kanë ngjitur pushtetin me intriga.
-Ky stil i vjetër është helm për demokracinë.
- Qytetari i shekullit XXI nuk ka pse të mendojë me kokën e një komandanti-politikani te korruptuar, që pas luftës u bë milioner duke zhvatur shtetin.
- Ai duhet të mendojë me kokën e vet.
-Parlamenti i Kosovës nuk duhet të ketë vend për njerëz me duar të përgjakura, për ata që kanë urdhëruar apo kryer krime.
- Derisa kriminelët të ulen aty, Perëndimi do të na shohë si një shoqëri të pa-paster, që ka nevojë për gjykata speciale të pafundme.
-Shumica e atyre që sot rrinë në opozitë, dikur sunduan me krim, kapën drejtësinë dhe ushqyen organizata e korrupsioni.
- Këtë fenomen ,e shohim te gjithë, dhe kudo , në Kosovë .
-Tani, Albin Kurti, e Donika Gërvalla Faton Peci janë në betejë për ta çkapur shtetin..
-Dhe kjo është beteja e vetme që ia vlen të fitohet..