Kryeziu: Nuk ka standard të dyfishtë, hetuesit e intervistuan Kurtin në zyrën e tij për rastin e kanosjes

Aktuale

Kryeziu: Nuk ka standard të dyfishtë, hetuesit e intervistuan Kurtin në zyrën e tij për rastin e kanosjes

Nga: M.L. Më: 3 shtator 2025 Në ora: 12:34
Kryeministri i Kosovës, Albin Kurti

Zëdhënësi i Qeverisë së Kosovës, Përparim Kryeziu ka reaguar pas akuzave që iu bënë kryeministrit në detyrë Albin Kurti, pas paraqitjes në Gjykatë për t’u përballur me Faton Klinakun e Nuredin Selmanin që e kërcënuan me jetë.

Në një postim në facebook Kryeziu ka shkruar se paraqitja e sotme e Kurtit në Gjykatë nuk është standard i dyfishtë, kjo pasi kryeministri ka qenë i gatshëm të jap dëshminë e tij edhe para Prokurorisë Speciale në lidhje me rastin e rezervave shtetërore.

“Paraqitja e kryeministrit Kurti në Gjykatë për rastin e kanosjes ndaj tij nuk është kurrfarë standardi i dyfishtë në raport me ftesën nga Prokuroria Speciale.

Sa i përket ftesës së Prokurorisë Speciale, kryeministri Kurti asnjëherë nuk ka refuzuar që të japë dëshminë e tij. Përkundrazi, ai ka shprehur gatishmërinë e plotë për të bashkëpunuar me drejtësinë dhe për të respektuar parimin e transparencës dhe llogaridhënies, duke kërkuar që intervistimi të zhvillohet në zyrën e tij, një praktikë kjo që ka ndodhur edhe më parë”, ka theksuar ai.

Ndërkaq në lidhje me rastin e kanosjes, Kryeziu ka thënë se zyrtarët hetues të autorizuar nga Prokuroria e kanë intervistuar kryeministrin Kurti pikërisht në zyrën e tij më 10 qershor 2025. Sot ai u paraqit në gjykatë si palë e dëmtuar.

comment Për komente lëvizni më poshtë
Sot mund të lexoni Shfletoni kopertinat