Dogana zbulon kontrabandën me mbushës së telefonave

Aktuale

Dogana zbulon kontrabandën me mbushës së telefonave

Më: 7 shtator 2025 Në ora: 12:45
Foto nga Dogana

Dogana e Kosovës, të premten rreth orës 22:00, në pikën kufitare të Hanit të Elezit, gjatë një kontrolli rutinor kanë ndalur një automjet që vinte nga Maqedonia e Veriut.

Gjatë deklarimit, sipas njoftimit të doganës, drejtuesi i automjetit ka pohuar se nuk kishte mall për të deklaruar.

Megjithatë, pas një kontrolli të detajuar, zyrtarët doganorë kanë zbuluar mallra të padeklaruara të llojeve të ndryshme, kryesisht mbushës të telefonave me origjinë nga Kina.

Mallrat janë ndaluar përkohësisht pasi nuk ishin deklaruar në doganë.

Bazuar në njoftim, në total dogana ka sekuestruar 431 copë adapterë të llojeve të ndryshme me marka të mbrojtura si Samsung dhe Apple të cilat janë dërguar për verifikim pranë Sektorit për Pronësi Industriale (DPI).

comment Për komente lëvizni më poshtë
Sot mund të lexoni Shfletoni kopertinat