Arrestimi i ish-përfaqësueses së lartë të BE-së, Federica Mogherini, ka shkaktuar reagime të shumta në rajon, mes tyre edhe një deklaratë e ashpër nga publicisti Milaim Nela.
Në reagimin e tij në Facebook, Nela përmendi rolin që Mogherini ka pasur në proceset politike në Ballkan, duke e akuzuar se ka shkaktuar dëme shumë më të mëdha për Kosovën sesa për Shqipërinë.
Ai e cilëson Mogherinin si përgjegjëse për futjen e Kosovës “në një qorrsokak nga i cili ende nuk po del”, duke theksuar se veprimet e saj në dialogun Kosovë–Serbi kanë lënë pasoja të rënda për shtetësinë e vendit, përcjell “Bota sot”.
Shkrimi i plotë
Federica Mogherini po përmendet shumë sot për afërsinë dhe mbështetjen që i ka dhënë sektit rilindas dhe Edi Ramës por shqiptarët duhet ta dinë dhe të mos harrojnë se dëmi që i ka bërë kjo marksiste e kohëve moderne Kosovës dhe shtetësisë së saj është 100 fish më i madh se dëmi që i ka bërë Shqipërisë! Ajo e futi Kosovën në një qorrsokak që sot e kësaj dite nuk po mundet me dalë.