Kryetari i Lidhjes Demokratike të Kosovës, Lumir Abdixhiku, ka thënë Smajl Hajdaraj mbetet mbetët një ndër personalitetet qendrore të rrugëtimit për liri e pavarësi.
Në 24 vjetorin e vrasjes së Hajdaraj, Abxhiku ka thënë se moszbardhja e rastit e bënë dhimbjen më të madhe.
“Sot përulemi me respekt para figurës së patriotit, veprimtarit, intelektualit, deputetit, luftëtarit të paepur dhe bashkëpunëtorit të ngushtë të Presidentit historik, Dr. Ibrahim Rugova – Smajl Hajdaraj. Smajl Hajdaraj mbetet një ndër personalitetet qendrore të rrugëtimit tonë për liri, pavarësi dhe demokraci.
Patriot i orëve më të vështira, veprimtar i palëkundur i lëvizjes pavarësiste, komandant i Ushtrisë Çlirimtare të Kosovës dhe deputet i lirisë, ai mishëroi idealin e sakrificës për atdheun”, ka thënë Abdixhiku.
