Deklaratat hyrëse në çështjen Thaçi dhe të tjerët për pengim të drejtësisë më 27 shkurt

Aktuale

Deklaratat hyrëse në çështjen Thaçi dhe të tjerët për pengim të drejtësisë më 27 shkurt

Më: 17 shkurt 2026 Në ora: 11:13
Foto ilustrim

Në Dhomat e Specializuara të Kosovës (DHSK) në Hagë më 27 shkurt do të mbahen deklaratat hyrëse në gjykimin e Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.

Seanca është planifikuar të fillojë në orën 09:30 dhe të përfundojë në orën 16:00, njoftoi Gjykata Speciale.

Aktakuza fillestare kundër pesë të akuzuarve u konfirmua më 29 nëntor 2024 dhe u ndryshua më 16 prill 2025. Kjo është aktakuza në fuqi në këtë çështje gjyqësore.

Sipas aktakuzës së konfirmuar, midis së paku 12 prillit 2023 dhe 2 nëntorit 2023, gjatë vizitave të ndryshme të paprivilegjuara në objektin e paraburgimit, z. Thaçi u dha zotit Smakaj, zotit Kilaj, zotit Fazliu dhe zotit Kuçi informacion konfidencial për dëshmitarë të thirrur nga Prokuroria në çështjen gjyqësore për krime lufte Thaçi dhe të tjerët, i udhëzoi ata që të ndikonin në dëshmitë e dëshmitarëve dhe u dha hollësi se si të vepronin. 

comment Për komente lëvizni më poshtë
Sot mund të lexoni Shfletoni kopertinat