​Hyseni takon përfaqësues të ambasadës britanike, diskutohet forcimi i bashkëpunimit për rikthimin e aseteve

Aktuale

​Hyseni takon përfaqësues të ambasadës britanike, diskutohet forcimi i bashkëpunimit për rikthimin e aseteve

Më: 26 shkurt 2026 Në ora: 18:20
Pamje nga takimi

Udhëheqësi i Zyrës për Rikthimin e Aseteve, njëherit prokuror dhe Kryeprokuror i Shtetit Bahri Hyseni, të enjten ka zhvilluar një takim me këshilltarët e Mbretërisë së Bashkuar, Alan Barr dhe Nick Ëilcox, ky takim u fokusua në forcimin e bashkëpunmit për rikthimin e aseteve.

Sipas njoftimit të Prokurorisë, gjatë takimit u diskutua edhe për rolin dhe funksionimin e Zyrës për Rikthimin e Aseteve si dhe për proceser e ngrirjes, sekuestrimit dhe konfiskimit të pasurisë, përfshirë edhe rikthimin e aseteve të sekuestruara dhe të konfiskuar.

“Vëmendje e veçantë iu kushtua forcimit të bashkëpunimit ndërinstitucional ndërmjet institucioneve ligjzbatuese nënshkruese të Memorandumit të Mirëkuptimit, me qëllim rritjen e efikasitetit të ZRA-së”, thuhet në njoftimin e Prokurorisë.

Hyseni falënderoi përfaqësuesit e ambasadës për vizitën dhe mbështetjen, duke theksuar rëndësinë e vazhdimit të komunikimit dhe takimeve të rregullta, në mënyrë që bashkëpunimi të konkretizohet me rezultate të matshme në praktikë.

comment Për komente lëvizni më poshtë
Sot mund të lexoni Shfletoni kopertinat