“Pse na le kaq herët bre bir”, babai i Leonit Aliut prek me fjalët pas tragjedisë në Shëngjin

Aktuale

“Pse na le kaq herët bre bir”, babai i Leonit Aliut prek me fjalët pas tragjedisë në Shëngjin

Më: 4 qershor 2026 Në ora: 09:49
Leonit Aliu

Një ngjarje e rëndë ka tronditur opinionin publik pasditen e djeshme në zonën bregdetare të Rana e Hedhur, ku si pasojë e dallgëve të fuqishme humbën jetën dy të rinj nga Kosova, ndërsa tre persona të tjerë mbetën të lënduar.

Në mesin e viktimave është edhe Leonit Aliu, i cili nuk arriti t’u mbijetojë kushteve të rrezikshme në det.

Pas lajmit tragjik ka reaguar babai i të ndjerit, duke shprehur dhimbjen e thellë për humbjen e djalit të tij.

“Ah djali jem Leonit ike shpejt nga kjo bot pse na le kaq heret bre biri im do te kujtoj gjithmon me mall shpirti im bir”, ka shkruar ai.

Leonit Aliu ishte pjesë e KF Fushë Kosova dhe kishte përfunduar studimet e tij, duke lënë pas familjarë, miq dhe bashkëpunëtorë të shumtë të pikëlluar nga humbja e parakohshme.

Në këtë tragjedi jetën e humbi edhe Jetmir Binaku nga Drenasi.

comment Për komente lëvizni më poshtë
Sot mund të lexoni Shfletoni kopertinat