Pas vendimit të KGJK-së për gjyqtarët serbë, reagon OSBE-ja

Aktuale

Pas vendimit të KGJK-së për gjyqtarët serbë, reagon OSBE-ja

Më: 27 gusht 2026 Në ora: 16:16
OSBE

Ushtruesja e detyrës së Presidentit, Albulena Haxhiu, njoftoi sot se Këshilli Gjyqësor i Kosovës (KGJK) ka marrë vendim lidhur me gjyqtarët serbë dhe stafin gjyqësor serb që kishin dhënë dorëheqje në vitin 2022.

Pas këtij vendimi ka reaguar Misioni i OSBE-së në Kosovë, i cili i ka bërë thirrje KGJK-së që pozitat e mbetura të lira të plotësohen sa më shpejt, përmes proceseve transparente, gjithëpërfshirëse dhe të bazuara në meritë.

“OSBE-ja në Kosovë merr në dijeni vendimin e Këshillit Gjyqësor të Kosovës lidhur me kërkesat e gjyqtarëve dhe stafit gjyqësor serb të Kosovës për të tërhequr dorëheqjet e tyre”, thuhet në reagim.

Misioni i OSBE-së kërkoi që rekrutimi dhe emërimi të bëhen në përputhje me dispozitat kushtetuese dhe ligjore në fuqi, përfshirë ato që lidhen me përfaqësimin e komuniteteve.

Sipas OSBE-së, një sistem gjyqësor që përfaqëson komunitetet të cilave u shërben është i rëndësishëm për garantimin e qasjes së barabartë dhe efektive në drejtësi për të gjithë qytetarët.

comment Për komente lëvizni më poshtë
Sot mund të lexoni Shfletoni kopertinat