Kurti emocionon me fjalët për djalin e Enver Zymberit dhe Afrim Bunjakut: Qeverinë do ta keni përherë përkrah

Aktuale

Kurti emocionon me fjalët për djalin e Enver Zymberit dhe Afrim Bunjakut: Qeverinë do ta keni përherë përkrah

Më: 6 nëntor 2026 Në ora: 17:28
Sokol Zymberi dhe Jetlum Bunjaku, Albin Kurti

Kryeministri i Kosovës, Albin Kurti, gjatë ceremonisë së diplomimit kadetëve të rinj të Policisë së Kosovës, ka përmendur dy djemtë e heronjve Enver Zymberi dhe Afrim Bunjaku, që janë pjesë e gjeneratës së 63-të.

Kurti tha se ata, duke ndjekur gjurmët e prindërve të tyre, do të vazhdojnë angazhimin në ruajtjen e rendit dhe zbatimin e ligjit.

“Mes jush gjenden edhe dy djemtë e heronjve tanë, Sokol Zymberi dhe Jetlum Bunjaku.

Në gjurmët e prindërve të tyre, ata do të vazhdojnë angazhimin në ruajtjen e rendit dhe zbatimin e ligjit, sepse vetëm kësisoj e fuqizojmë Republikën e Kosovës, si dhe sigurinë dhe paqen për të gjithë.

Qeverinë tonë do ta keni përherë përkrah. Mbështetjen për Policinë e Kosovës e kemi dëshmuar vazhdimisht, në nivel shumë më të lartë dhe të pakrahasueshëm me periudhat e mëparshme.”

Sot mund të lexoni Shfletoni kopertinat