Zyrtari i Lëvizjes Vetëvendosje në Skënderaj, Hysni Mehani, ka reaguar përmes një postimi në Facebook lidhur me një rast të të shtënave me armë, ku dyshohet se është përfshirë shefi i kabinetit të Sami Lushtakut.
Mehani ka kërkuar nga Policia dhe sistemi prokurorial që të merren me rastin, duke ngritur shqetësimin për përdorimin e armës nën ndikimin e alkoolit.
Ai ka përmendur edhe praninë e nënkryetarit dhe disa drejtorëve në vendin e ngjarjes, ndërsa ka ngritur pyetjen se sa do të mbahen të dyshuarit në paraburgim.
Reagimi i Mehanit në Facebook:
Në ato nejat me raki e mish, bëhet njeri trim edhe pa kanë hiç!
Pyetja për Kosovo Police edhe Sistemi Prokurorial; a ma dëm bën lopa që hanë bari në oborr të gjykatës; a shefi i kabinetit të Sami Lushtakut që nën ndikimin e pijeve alokolike e merr armën e del gjuan kështu pa ja centiratë?
Aty paska qenë edhe nënkryetari e disa drejtorë!
Është me rëndësi me pa sa po i mbajnë në paraburgim këta!