Paneli përzgjedhës për pozitën e Avokatit të Popullit do të mblidhet sot në Kuvendin e Kosovës për të shqyrtuar aplikacionet e kandidatëve dhe për të zhvilluar intervistat me ta.
Mbledhja është paraparë të mbahet në sallën N-302 të Kuvendit të Kosovës.
Gjatë këtij procesi, paneli do të shqyrtojë aplikimet dhe do të intervistojë kandidatët që kanë shprehur interesim për të marrë drejtimin e Institucionit të Avokatit të Popullit.
Procesi i përzgjedhjes pritet të jetë një hap i rëndësishëm drejt emërimit të Avokatit të ri të Popullit.