Joe DioGuardi i doli në mbrojtje kur e përgjakën Ziadin Selën

Amerika

Joe DioGuardi i doli në mbrojtje kur e përgjakën Ziadin Selën

Nga: Skënder Karaçica Më: 4 maj 2021 Në ora: 00:32
Skënder Karaçica

Figura kombëtare shqiptare Joe DioGuardi dhe (LQSHA)si e vetmja organizatë lobuese në këto tridhjetë vjet në Amerikë, është padyshim zëri më i fuqishëm në krah të çështjes shqiptare në hapësirën etnike në Ballkan. Për arbëreshin do të mbetën gjurmët historike për kronikat e historisë shqiptare dhe,së këndejmi një dorë që ka ditur të hapë dyert e lobimit në institucionet e shtetit amerikan në Senat dhe Kongres si dhe në vijat e trasha të diplomacisë së këtij vendi mik të përjetshëm për kombin shqiptar.

Në rrugëtimin e tij arbëreshi a pati testament nga babai i tij që në të gjitha rrethanat të bëhet krah i kombit shqiptar në Ballkan dhe për liri dhe pavarësinë e Kosovës. Në këtë vijë i fortë qëndroi në rreshtat e parë bashkë me mërgimtarët shqiptarë nga të gjitha trevat etnike për të hedhë dritë dhe për të kërkuar përkrahjen për shpëtimin e shqiptarëve etnikë në tokën e Kosovës nga regjimi më i egër fashist i Serbisë së Milloshevqit. Në këtë betejë të arbëreshit, ai pati përkrahje të madhe nga institucionet e shtetit amerikan në Uashington dhe në vitin 1999 ëndrra shekullore e shqiptarëve të Kosovës u bë pjesë e historisë më të re kombëtare dhe demokratike në udhën e lirisë dhe të pavarësisë.

Arbëreshi për këto vite nuk është ndalur më angazhimet e tij me gjak e shpirt shqiptari,që të marrë në shyqrtim në programin e (LQSHA-së)edhe çështjen e (pa)zgjidhur shqiptare në hapësirën etnike në Maqedoninë e Veriut. Ai në këto vite ka kërkuar nga korpusi politik(shqiptarë) që përmes projektit politiko-demokratik të kërkohet rrafshi i ri në kushtetutën e këtij vendi multietnikë, ku populli shqiptar (jo komuniteti-term i partive politike -vërejtja ime) të marrë primatin kushtetues-ligjor popull jo pakicë kombëtare,por popull shumicë dhe shtetformues me të gjitha të drejtat që i ka populli maqedonas.

Në korridoret e parlamentit në Shkup kur qarqet e grupeve antishqiptare të dirigjuara nga dora e ish kryeministrit Gruevski dhe aleatët e tij nga Beogradi e përgjakën për vdekje deputetin shqiptar dhe kyretarin e ASH-së dr.Ziadin Sela, në Nju Jork është dëgjuar zëri dhe protesta kombëtare e arbëreshit Joe DioGuafrdi. Për këtë rast me motive të orëve vrastare e të përgjakura, në Washington u mbajt takimi i dëshmisë për parlamentin maqedonas në Shkup, ndërsa vetë arbëreshi e shpalli dr.Ziadin Sela me moton “Viktimë e Demokracisë” në Maqedoninë e Veriut!

Në dritën e këtij reagimi nga Amerika,po i tregojmë Ziadin Selës,deputet i kuvendit të këtij shteti si dhe kryetar i ASH-së që, strukturat e caktuara policore dhe të shërbimeve sekrete maqedonase e kishin vërë në cak të vdekjes, arbëreshi Joe DioGuardi është hidhëruar më ty dhe ua zë për të madhe se si deri tash asnjëherë nuk i jeni lajmëruar arbëreshit në Nju Jork, që bashkërisht të trajtoni çështjen e (pa) zgjidhur shqiptare në hapësirën etnike në Maqedoninë e Veriut.

Ziadin Sela ka gjetur kohë të merret me “nisma të reja të lobimit shqiptar”(siç!)me “Kongresin Panshqiptar Amerikan” ndërsa ia ka kthyer shpinën arbëreshit dhe (LQSHA-së)si e vetmja organizatë e regjistruar në institucionit të shtetit amerikan që e ka për detyrë dhe në programin e saj të bëj lobim në të gjitha fushat dhe me institucionet relevante në shtetin e Amerikës dhe më gjerë në Evropë dhe botë.
 

Ziadin Sela, po ua rikujtojmë se keni treguar pabesi dhe jo burrni prej intelektuali dhe politikani,që kaq shpejt e keni harruar arbëreshin Joe DioGuardi (LQSHA) në Nju Jork dhe keni marrë udhë tjetër me disa ambicie tjera sa për hije dhe sa për të (penguar) rrugëtimin e arbëreshit, që, siç ka thënë shpeshherë derisa të jem gjallë, çështja kombëtare shqiptare është mbi të gjitha pjesë e jetës time dhe amaneti i babës tim arbëresh!

Ziadin Sela mos i cakërroni gotat me “lobistët shqiptarë”(siç!) në “Kongresi Panshqiptar Amerikan” por dil nga vetja dhe sy me sy të flisni e të falënderoni arbëreshin Joe DioGuardi, i cili përmes dëshmisë dhe më vonë si pjesë e një Rezolute u doli në mbrojtje kur e kur pushteti maqedonas të përgjaku për vdekje për të treguar para popullit shqiptarë në këto hapësira etnike se, shteti dhe pushteti është i shumicës maqedonase dhe jo e popullit shqiptar në pozitën kushtetuese si pakicë kombëtare dhe jo shtetformues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat