Atleti më i mirë në Kosovë, Muhamet Ramadani, që garon në disiplinën teknike përkatësisht në hedhje të gjylës, përgatitet për garat që e presin në vitin 2023.
Muhamet Ramadani qysh tani po përgatitet për sfidat e mëdha, këtë e thotë edhe trajneri i tij, Shaban Ramadani.
Meti është potencial i madh, që pritet t’i sjell Kosovës edhe medalje tjera të nivelit më të lartë nga mbretesha e sporteve.
“Lojërat Mesdhetare që mbahen me 22 janar në Spanjë, pastaj Kupa e Evropës në mars në Portugali dhe Kampionati Evropian në Finlandë, të gjitha me U23 me gjyle 7. 260.
Synimet tona janë medaljet sikur sivjet që i morëm”, thotë Ramadani për gazetën kombëtare “Bota sot”.
Trajneri i Metit, tha se përgatitjet do t’i zhvillojnë në Kosovë, me bindje se do të përgatiten maksimalisht për secilin sfidë.
