​Atletët e Kosovës nderojnë Pavarësinë me garë tradicionale rrugore

Atletika

​Atletët e Kosovës nderojnë Pavarësinë me garë tradicionale rrugore

Më: 16 shkurt 2026 Në ora: 11:05
​Atletët e Kosovës nderojnë Pavarësinë me garë tradicionale rrugore

Në nder të 18-vjetorit të Pavarësisë së Kosovës, Federata Atletike e Kosovës bashkë me Kuvendin Komunal të Junikut dhe K.A. "Juniku" organizojnë garën tradicionale rrugore të qytetit, "Vrapimi i Pavarësisë".

Ngjarja do të zhvillohet më 17 shkurt 2026 në qendrën e Junikut, ku starti i parë është planifikuar për ora 10:50.

Regjistrimi për garuesit bëhet në vendin e ngjarjes nga ora 09:30 deri në 10:30. Garat do të zhvillohen sipas kategorive: Yllkat & Fatosat (500m) në 10:50, Pionierët & Juniorët (1–4 km) në 11:00 dhe Seniorët & Veteranët (4 km dhe 8 km) gjithashtu në 11:00.

Për fituesit janë parashikuar diploma, medalje dhe kupa për kampionët e kategorisë Senior, si dhe shpërblime monetare sipas kategorisë. Organizatori ka paraparë edhe një "Shpërblim të Pavarësisë" për dy garues, një mashkull dhe një femër.

comment Për komente lëvizni më poshtë
Sot mund të lexoni Shfletoni kopertinat