Fury rikthehet nga pensionimi për tu ndeshur me ish-njeriun më të fortë në planet

Boksi

Fury rikthehet nga pensionimi për tu ndeshur me ish-njeriun më të fortë në planet

Më: 26 korrik 2022 Në ora: 17:12
Tyson Fury

Tyson Fury e ka konfirmuar se është në bisedime për të bërë rikthimin e tij në ring, në një përballje kundër ish-kampionit të “Njeriut më të Fortë në Botë”, Hafthor 'Thor' Bjornsson.

Fury, 33 vjeç, nuk ka boksuar që kur njoftoi tërheqjen e tij nga boksi profesionist në muajin prill, pasi mbrojti titullin e tij të peshave të rënda WBC kundër Dillian Whyte në Wembley.

Por “The Gypsy King” tani ka zbuluar se ai është në bisedime për t'u përballur me Bjornsson, i cili luajti "The Mountain" apo “Malin” në serinë e njohur televizive "Game Of Thrones", me bisedimet që po vazhdojnë që lufta të zhvillohet në një stadium futbolli në Londër në muajin nëntor.

“Do të ishte pak argëtuese. Do të ishte mirë të hyje aty para, të themi, 70,000 tifozëve dhe t'i tregosh se çfarë është boksi, ta bëj të humbasë dhe ta nokautoj”, tha Fury për “The Telegraph”.

“Ne jemi duke folur me ekipin e tij për momentin dhe kjo është padyshim diçka për të cilën jam i interesuar”, shtoi më tej “The Gypsy King”.

Fury ende nuk ka hequr dorë nga titulli i tij në peshat e rënda WBC dhe shpreson se ai do të vazhdojë të kthehet në boksin profesionist për t'u përballur me fituesin e rimeçit të Anthony Joshua me Oleksandr Usyk.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat