Superliga e Kosovës në futboll do sjell një duel mjaft interesant në kuadër të xhiros së 23-të.
Feronikeli kërkon të lë anash humbjet dhe formën e dobët që pati në ndeshjet e fundit, djemtë e Klodian Duros mposhtën Arbërinë në duelin e fundit dhe tani ata kërkojnë ta bëjnë të njëjtën gjë ndaj Dritës.
“Nikli” gjendet në pozitën e gjashtë me 27 pikë total.
Ndërsa, Drita kërkon që të rikthehet si lidere e Superligës, gjilanasit qëndrojnë në pozitën e tretë, pas fitoreve të Prishtinës dhe Ballkanit.
Drita mban pozitën e tretë me 47 pikë, po aq sa Prishtina dhe një pikë më pak se lideri, Ballkani. Në rast të fitores, Drita do të ngjitej në pozitën e parë.
Orari i ndeshjes, Feronikeli – Drita, Stadiumi “Rexhep Rexhepi”, Ora: 13:30.
