Zurichi dhe Lausanne kanë ndarë pikët në ndeshjen e vlefshme për javën e 25-të në Superligën e Zvicrës.
Ndeshja e zhvilluar sonte në “Letzigrund Stadion” ka përfunduar me rezultatin 1-1.
Blaz Kramer shënoi për vendasit, kurse Evann Guessand për mysafirët.
Reprezentuesit e Kosovës, Fidan Aliti dhe Hekuran Kryeziu, ishin titullarë te Zurichi dhe zhvilluan tërë ndeshjen, teksa Benjamin Kololli u inkuadrua në minutën e 61-të.
Te skuadra vendase gjithashtu tërë ndeshjen e luajti edhe Toni Domgjoni, teksa kësaj radhe nuk pati minuta për Blerim Xhemajlin.
Pas këtij barazimi, Zurichi ka 33 pikë dhe renditet i katërti, kurse Lausanne renditet e shtata me 31 pikë.
