Mallorca dhe Osasuna mbrëmë ndanë pikët në ndeshjen e vlefshme për javën e 27-të në La Liga.
Ndeshja e zhvilluar në stadiumin e Mallorcas përfundoi baras dhe pa gola.
Vedat Muriqi ishte titullar në këtë takim, por nuk ia doli të linte gjurmë.
Reprezentuesi i Kosovës luajti për 76 minuta. Ai u zëvendësua nga Tino Kadewere.
E ky zëvendësim nuk i pëlqeu aspak Muriqit, i cili u pa duke dalë i nervozuar nga fusha. 28-vjeçari shfryu nervozizmin duke goditur pankinën.
Megjithatë, ai pas ndeshjes gjeti kohë për tifozët e tij. Sulmuesi kosova ia dhuroi fanellën dhe shorcet tifozëve.
