FC Barcelona po planifikon përforcime në verë, por nuk përjashtohen edhe shitjet e disa lojtarëve.
Klubi është shumë pranë rikthimit brenda limitit të pagave, pasi sipas presidentit Joan Laporta i mungojnë vetëm rreth 12 milionë euro për ta arritur këtë.
Sipas RadioMarca, katalanasit janë të gatshëm të dëgjojnë oferta për mbrojtësin e majtë Alejandro Balde.
Ai nuk konsiderohet i paprekshëm në skuadër dhe nëse vijnë oferta të mira, klubi mund ta shqyrtojë largimin e tij.
Në muajt e fundit, interesim për Balden kanë shfaqur edhe Interi dhe Manchester United, ndërsa ai ka kontratë me Barcelonën deri në vitin 2028.
