Mesa duket yllin e LA Lakers, Lebron James, nuk do ta shikojmë më vetëm në parketin e basketbolllit.
Të gjithë fansat e “The King” e dinë pasionin e tij për muzikën dhe ka qenë vetë ai që e ka pranuar se do të ndjekë në mënyrë profesionale ëndrrën e tij.
“Dashuria ime për muzikën është e çmendur. Po mendoj të bëj një album. Oh jo, unë nuk do të rrepoj apo diçka e tillë. Nuk jam i çmendur dhe e di se ku unë jam i mirë, por do t’iu tregoj një gjë që e kam. Kam shumë miq që janë shumë të mirë në rrep”, shkruan amerikani në “Twitter”.
Kujtojmë që 36-vjeçari ka marrëdhënie shumë të mira me emra të njohur të muzikës si Jay Z apo Snoop Dogg, të cilët janë fansa të LA Lakers. Në vitin 2018 basketbollisti u shfaq në të njëjtën skenë me Drake dhe Travis Scott gjatë një koncerti, duke i surprizuar fansat e tij.
