Nick Jonas ka zbuluar për “The Tonight Show Starring Jimmy Fallon” se albumi i ri me titull “Spaceman” u frymëzua nga ndarja që pësuan ai dhe Priyanka Chopra Jonas gjatë pandemisë.
“Ajo ngeci në Gjermani prej xhirimeve të një filmi, ndërsa unë isha këtu dhe kisha mall. Nisa të shkruaj dhe brenda pak ditësh kuptova që kisha realizuar një album”, rrëfeu Nick.
Temat që prekin këngët janë: vetmia dhe izolimi, por mesazhet që përçohen janë të gjitha për një të ardhme të bukur.
Albumi do të quhet Spaceman, njësoj si kënga e parë e publikuar nga Nick.
