Jennifer Lopez rrëfen momentet e vështira në punë: Buzët më kishin ngrirë dhe…

Mediale Vip

Jennifer Lopez rrëfen momentet e vështira në punë: Buzët më kishin ngrirë dhe…

Më: 6 prill 2021 Në ora: 10:54
Jennifer Lopez

Për 30 vite me radhë ajo ka qenë një nga figurat kryesore të kulturës pop. Është fjala për këngëtaren e famshme, Jennifer Lopez, e cila duket se në asnjë moment nuk është lodhur.

Gjithashtu duket se sa më shumë kalon koha, aq më shumë e duan njerëzit atë. E shumë pyesin se çfarë e ka bërë JLo këtë që është sot?

Së fundmi, aktorja dhe këngëtarja me famë botërore është bërë pjesë e kopertinës së revistës “In Style”. Për jetën e saj dhe jo vetëm kanë folur miq të ndryshëm dhe persona të afër të Lopez.

E duket se të gjithë bien dakord në një mendje se Jennifer nuk është ndalur kurrë së punuari dhe prandaj ka arritur këtu ku është sot.
“Po xhironim videon në Bronx për këngën ‘Hold you down’ dhe ishte shumë ftohtë. Unë kisha veshur një pallto gjigante, këpucë me tre palë çorape dhe dorashka. Ndërsa J.Lo kishte veshur vetëm një bluzë të shkurtër dhe një minifund për të xhiruar atë skenë me mua. Nuk ja kam thënë kurrë asaj, por me mendjen time thosha: ‘Kjo grua ka më shumë para se unë dhe unë po ngrijë së ftohti, por bëj mirë të mos ankohem, sepse ajo nuk po ankohet fare!’. Kështu që nuk më intereson nëse jam në shkretëtirë në 100 gradë, unë nuk ankohem kurrë. Sa herë që më duhet të flasë me artistë të tjerë apo me veten time, më kujtohet ai moment”, është shprehur reperi dhe aktori Fat Joe për kolegen e saj.

E një gjë të tillë e ka konfirmuar edhe JLo, teksa ka treguar anën e saj të historisë.

“Më kujtohet kur po xhironim këngën ‘Hold you down’ dhe sa ftohtë ishte. Më duhej të këndoja këngën, por buzët e mia po ngrinin dhe nuk mund t’i lëvizja. Është shumë gallatë që Joe e mban mend këtë gjë. Por në përgjithësi unë nuk jam njeri që ankohem, veçanërisht kur jam duke punuar. Unë jam atje për të bërë një punë dhe kjo është ajo që duhet të bëj. Besojeni ose jo, unë nuk dua të ngarkoj askënd me etjen time, ose nëse kam ftohtë apo nuk jam rehat. Kjo mund të jetë diçka që ma kanë mësuar mami dhe babi. Duhet të jesh thjesht mirënjohës që po bën atë që po bën. Është diçka shumë latin. Ji i lumtur për ato që ke”, ka treguar artistja e famshme.

Lope gjithashtu ka folur edhe për jetën e saj si nënë. Ajo është shprehur se ndjenjat janë gjithmonë fajtore kur i duhet të punojë dhe nuk mund të kujdeset për fëmijët.

“Duhet të gjesh balancën dhe unë përpiqem të bëj më të mirën e mundshme. Nuk ka rëndësi nëse jam në një vend tjetër apo në shtëpi, ne komunikojmë gjithë kohës, qeshim dhe kalojmë kohë bashkë. Dhe ndonjëherë madje i bezdis duke ju larë dhëmbët, duke i zgjuar për në shkollë, me gjithë gjërat që duhet të bëjnë. Nuk mund të filloj t’i listoj gjërat që fëmijët më kanë mësuar për veten time. Më duhet të shkruaj një libër të tërë për këtë gjë”, ka thënë përfunduar këngëtarja dh4e aktorja e famshme.

Shfaq komentet
comments powered by Disqus
Sot mund të lexoni Shfletoni kopertinat