Dua Lipa flet për mundesinë e të bërit një kangë në shqip

Mediale Vip

Dua Lipa flet për mundesinë e të bërit një kangë në shqip

Më: 24 korrik 2021 Në ora: 12:05
Dua Lipa

Artistja shqiptare me famë ndërkombëtare, Dua Lipa, gjatë vizitës në Shqipëria është takuar me kryeministrin e Shqipërisë, Edi Ramën, dhe me kryebashkiakun Erion Veliaj, ku ka pranuar dhurata simbolike nga të dy.

Në një konferencë të mbajtu për media, Dua u shpreh se është e lumtur që u gjend pas pesë vitesh sërish në Tiranë.

Ajo ka thënë që mburret që në cfardo formë i është dhënë mundësia që t’i ndihmojë shqiptarët.

Image
Dua Lipa

“Mburrem shumë që e kam mundësinë të jem këtu sot, të ndihmoj në çfarëdo lloj mënyre të mundem jo vetëm me këtë kopsht edhe më tej. Për një komunitet që më ka dhënë shumë, për krejt shqiptarët përreth botës që më kanë suportu, kjo është një mënyrë e vogël çfarë mund të bej kështu që shumë faleminderit për suportin!”, tha ajo.

E njëjta, nuk e përjashtoi mundësinë e të bërit një kënge në gjuhën shqipe kur u pyet nga gazetarët rreth kësaj.

“E kam menduar atë gjë. Ndoshta një këngë të vjetër shqiptare. Duhet të punoj ende nëse ka mundësi të bashkoj diçka që është edhe moderne edhe tradicionale shqiptare”, tha Lipa në konferencën për media.

Dua ka thënë se dëshiron ta ndryshojë mendimin e njerzëve në botë për shqiptarët.

"Unë kam shumë këngë në gjuhën shqipe që i dua. Do kisha qejf të bëja një Cover, që ti dëgjojnë shumë njerëz. Nuk e di a jam mjaft e aftë të shkruaj këngë shqip.

E kam ëndërr të madhe edhe të ndryshojmë stigmën ndaj Kosovës edhe Shqipërisë, edhe neve si shqiptarë. Ta shohin njerëzit nëpër botë që jemi kreativ, punojmë fort dhe ka të rinj”, tregoi 25-vjeçarja.

Shfaq komentet
comments powered by Disqus
Sot mund të lexoni Shfletoni kopertinat