Januz Hajrullahu nga Gjilani kalon në çerekfinale

Mediale Vip

Januz Hajrullahu nga Gjilani kalon në çerekfinale

Më: 24 gusht 2021 Në ora: 22:19
Januz Hajrullahu

Emisioni “Detektivi” po shkon drejt garave të çerekfinales.

Kandidatë të profileve të ndryshme janë përballur mes vete, ku çdo natë njëri prej tyre ka kaluar në çerekfinale.

Në episodin e 11-të që u transmetua të hënën, pati një garë interesante mes studentit nga Gjilani, Januz Hajrullahu, inxhinierit të ndërtimtarisë nga Theranda, Taulant Krasniqi si dhe analistit të të dhënave nga Bujanoci, Reshat Selmani.

E në fund të krejt këtij emisioni, fitues u shpall student nga Gjilani, Januz Hajrullahu.

Hajrullahu vazhdon garën në çerekfinale, derisa dy kandidatët tjerë do të kenë mundësi përsëri të garojnë në vitet e tjera të kuizit “Detektivi”.

Ashtu si edhe në vitin e kaluar, edhe sivjet “Detektivi” ofron shpërblime të majme për fituesin e kuizit.

Në fund të spektaklit fituesi/ja do të shpërblehet me preminë kryesore, e cila është një veturë ‘Renault Clio’.

comment Për komente lëvizni më poshtë
Sot mund të lexoni Shfletoni kopertinat